(عاجل) بدء التحقيقات مع وائل الابراشي في قضية بطرس غالي بنيابة شمال الجيزة

[اسامه فؤاد]

بدأت اليوم الاثنين الموافق 8 فبراير التحقيقات مع وائل الابراشي عن قضية الضرائب العقارية وحملة " لاتقدموا الإقرار ولا تدفعوا الضريبة " بسراي نيابة شمال الجيزة

تصريحات خاصة بالموقع الرسمي للصحفي والاعلامي وائل الابراشي:

استمرارا للحملة الحكومية التى تقوم بها الحكومة ضد جريدة صوت الامة بسبب سياستهم المعارضة للحكومة وصوتهم الزاعق واقرار ضرائب خرافية .

التحقيق كان سياسي وليس جنائي لأن القانون لم يقر بعد وتصريح الرئيس في كفر الشيخ علي عدم الانتهاء من القانون بصفته النهائية هو أكبر دليل حول وجود خلافات حول القانون داخل النظام نفسة .
يقول الابراشي أنه متهم بتحريض المواطنين على عدم الانقياد للقانون ويضيف قائلا ان المادة 177 لم تستخدم لمحاسبة اى صحفي من قبل وتستخدم فقط في حالات قلب نظام الحكم".

وقام اتحاد العائلات والقبائل العربية بمحافظة حلوان اصدر بيان تضامن مع الابراشي وان هذا التحقيق معه هو وسام علي صدر كل صحفي واعلامى عربي شريف يعيش على ارض هذه البلد.
ويضيف قائلا انه لن يتراجع عن حملته ضد قانون الضرائب العقارية وانه مستمر في الانحياز للمواطن المصري .
كما تم حمل لافتات مكتوب عليها "بطرس غالى والفاسدين دول اعداء الصحفيين"- " ستبقي صوت الامة عالية ولن يرهبنا أعداء الصحافة"
وأنتهت التحقيقات مع السيد رئيس النيابة الكلية في تمام الساعه الرابعة والنصف عصراً.


قام بتغطية الأحداث صحفيا كلاً من "الشروق -الأسبوع - روز اليوسف - الجمهورية - اليوم السابع - النبأ - الدستور"

[احمد مختار]

والله راجل تمام مبيخفش
واحنا كلنا معاه مبنخفش برضه
كفاية بقة
حرام عليهم والله
عايزين ايه تانى

[رانيه المهدي]

من لا يخاف في الحق لومه لائم
من يقول الحق في وجه الظالم
استاذ وائل ان الله لن يضيعنا
استمر ونحن معك فمهما طال الظلم قصير

[ملاك]

(من المؤمنين رجال صدقوا ما عاهدوا الله عليه)استاذنا الفاضل يكفيك فخرا انك تقول الحق وان80مليون مصرى يقفون معك بقلوبهم ودعائهم وان شاء الله تفوت على خير وربنا ينصرك.ويكفيه خزيا انه عاشقالتوك توك

[hana_hamdy]

كفنا ظلم وطغيان لقد اكلوا لحمنا ومصوا دماء ولم يبقى لنا غير عظاما عاريا اتركوا ما بقامنا منا لوجه الله ان كنتم تعرفوه الله معك يا ابراشى ( ان ينصركم الله فلا غالب لكم)

[اسامه فؤاد]

تعليقات موقع اليوم السابع

1
اشرف راجل صحفى

بواسطة: حمدى سلبى
بتاريخ: الأثنين، 8 فبراير 2010 - 20:07
الى الاستاذ وائل الابراشى يريت فيه منك فى مصر 10 بس ربنا يوفقك الى الامام


2
هذا قدرك

بواسطة: apoali
بتاريخ: الأثنين، 8 فبراير 2010 - 20:19
الا براشى بيه هو اخر الرجال المحترمين فى زمن الضرائب والدمغات -


3
يسقط بطرس غالي

بواسطة: شيرين
بتاريخ: الأثنين، 8 فبراير 2010 - 20:24
رسالة الى ملتزم مصر انت تعلم تماما بعدم دستورية الضريبة العقارية وانك مررت القانون بالتدليس وتحت غفوة اعضاء مجلس موافقون الموافقة لعملهم ان قانون الجباية الجديد هو امر سيادي لتمويل خزينة الدولة بالمليارات بعد ان بددت اموال صندوق التامينات والمعاشات
واخيرا احب ان اقولها لك صراحة انها ليست عزبة ابوك وخلي سكرتيرتك ترفع قضية على الشعب المصري واتحداك


4
راجل محترم

بواسطة: احمد سمير
بتاريخ: الأثنين، 8 فبراير 2010 - 20:27
لا انت يا بطرس ولا غيرك هيعرف يسكت اشرف صحفى فى مصر وبعدين هتنتظروا ايه من وائل الابراشى غير كده طول عمره مناضل لا حد يعرف يخوفه ولا وزير يقدر يرعبه


5
استفتاء على دستورية الضريبة

بواسطة: شيرين
بتاريخ: الأثنين، 8 فبراير 2010 - 20:37
عهدنا بجريدة اليوم السابع قياس نبض الشارع اتمنى ان نجد بجريدتكم المحترمة استفتاء عن دستورية او عدم دستورية الضريبة العقارية
ايضا استفتاء عن كل من قدم بالفعل الاقرار وكذلك من لم يتقدم حتى الان للوقوف على الاعداد الحقيقة لمقدمي الاقرار



6
مش فاهم حاجه

بواسطة: م/ هاني أحمد
بتاريخ: الأثنين، 8 فبراير 2010 - 20:43
هو مش الريس قالوا عنه في هذه الجريده الموقره أنه مش موافق علي هذا القانون و المحكمه الدستوريه أقرت أن هذا القانون غير دستوري
طيب ليه وائل الأبراشي يتهم الأن و يقدم فيه بلاغ للنيابه
لم أعد فاهم حاجه
و ربنا يستر


7
هكذا الرجال المحترمين

بواسطة: ابومحمد
بتاريخ: الأثنين، 8 فبراير 2010 - 20:51
بدلا م ان ان يتم التحقيق مع الاستاذ الابراشى المفروض ان يتم التحقيق مع الخونه الى باعو مصر هى مصر عزبه ابوهم ولا هى سايبه على راى المثل اذاكان رب البيت بالدف ضارب فشيمة اهل البيت الرقص طالما الراءس فاسدة وحاشيته فاسدة تنتظرو اه


8
البلد دى المفروض الشعب هو اللى يتغير

بواسطة: خالد عبده
بتاريخ: الأثنين، 8 فبراير 2010 - 20:52
لازم الشعب كله يتضامن معاه هو عمل كده ليه مش عشانا يا جماعه البلد دي مش هاتتقدم ابدا طول ما كل واحد بيفكر فى نفسه ويترك الاخر ليواجه مصيره الله يرحم ايام زمان


9
يسقط بطرس غالي

بواسطة: خالد - من القاهرة - مصر
بتاريخ: الأثنين، 8 فبراير 2010 - 20:53
يسقط بطرس غالي
يسقط بطرس غالي
يسقط بطرس غالي
يسقط بطرس غالي
يسقط بطرس غالي
يسقط بطرس غالي
يسقط بطرس غالي


10
لاهو دستورى ولا شرعى

بواسطة: حسام
بتاريخ: الأثنين، 8 فبراير 2010 - 20:57
هو غالبا ما فيش حاجه بتم فى مصر ولا دستوري ولا شرعيه لا هى ماشيه بدستور موافقه والى يقول لا يبقا ضد الحكومه


11
صحفي متميز فعلا

بواسطة: هاني خليل
بتاريخ: الأثنين، 8 فبراير 2010 - 21:11
بجد الراجل ده يخلص في عمله
مقل الظهور علي الفضائيات
يطل مره واحده لينير عقول المشاهدين



كل تقدير واحترم وحب


12
انت بطل

بواسطة: امين الجماهرية
بتاريخ: الأثنين، 8 فبراير 2010 - 21:18
الصحفين في الوطن العربي جب كل


13
لأ للأ

بواسطة: magdy mostafa
بتاريخ: الأثنين، 8 فبراير 2010 - 21:37
ارجوا من الكل عدم مهاجمة الوزير الى مفيش زيه لسبب وجيه هو ان الحكومه لا يهمها رأى الشعب بل بتعند زياده فاسكتوا جايز تيجى من عند ربنا.


14
يسقط بطرس غالى

بواسطة: مصطفى
بتاريخ: الأثنين، 8 فبراير 2010 - 21:50
يسقط بطرس غالى الوزير الذى يتفنن فى عكننة الشعب المصرى وتنفيض جيوبه وحرمان موظفين الدوله من حقوقهم مثل حقوق الاداريين بالتربية والتعليم التى اقرها مجلس الشعب المصرى ولم ينفذها سيادة الوزير


15
نريد وزير متمرمط مع العب علي راي الدكتور مفيد شهاب

بواسطة: يسري احمد
بتاريخ: الأثنين، 8 فبراير 2010 - 22:15
الوزير بطرس غالي تربي علي البشوية بعني جدة باشا ووالدة باشا يعني لم ميقف علي عربة فول واكل الوجبة العبية وفحلين بصل علي الصبح ولم ينتظر الباشا والدة عشان يجمع مصاريف المدرسة ورغم انها مدرسة حكومية يعني مصارفها لاتذكر ولم ينتظر مكمافأة ولاعلاوة ومايعرفش لانه ابن الباشا الوزير وكل تعليمة في الخارج يبقي تقولي يحس بينا ازاي نريد وزرة من الشعب الكادح مش ابن باشا وجدة باشا
كلمة للاستاذ العظيم وائل الابراشي فيه ناس يجلسون علي الكرسي بالتعين عشان بابي ومامي وجدووخالو وعمو والذي منه وفيه بتجلس علي الكرسي بفضل الشعب وشوف بقي لما الشعب يحب اعلامي وصحفي فامثالك يبقون ويمكثون بفضل افكارهم وآرائهم ووقوفهم مع الغالبية من الشعب التي لاحيلة لها الا الدعاء لك بدوام الصحة وياريت تبقي تقول لنا امتس المحكمة لكي نحضر معك ياأخي وائل ونشهد بان هذه الضريبة لانفع ىمنها سوي البهدلة وقلة الذوق وانشاءالله لن ولم تفرض بفضل الاحرار امثالك


16
مين اللى مش فاهم

بواسطة: مواطن مصرى
بتاريخ: الأثنين، 8 فبراير 2010 - 23:02
الريس يقول لا مفيش ضريبة والوزير يقول فيه.مين فيهم الكداب ومين الصادق.اقول لكم حاجة.هى تمثيلية حكومية هزلية جارى تنفزها.وطبعا المخرج معروف وظاهر بدور الرجل الطيب اللى قلبه على الشعب.


17
العرق يمد لسابع جد

بواسطة: محمد عبد المنعم
بتاريخ: الأثنين، 8 فبراير 2010 - 23:20
ان الذى اقوله لكم ليس من عندى انه من عند النائب المحترم مصطفى بكرى ، ان جده بطرس غالى هو القاضى الذى قضى بالاعدام وبالجلد على فلاحين دنشواى فى قريتهم وليس فى سجن الاسئناف ، وجده الأكبر (ابو طاقية) كان اكبر ظالم وجابى للضرائب فى مصر ولقد اشتكاه المصريون لأبراهيم باشا القائد العظيم و ابن محمد على باشا الكبير ، فاستدعاه وقتله بنفسه فالعرق يمد لسابع جد واوعى ترفع قضية على يابطرس لان الذى قال ذلك بلسانه هو مصطفى بكرى وورينا لو تقدر تعمل حاجة يابن ابو طاقية .


18
هى ضريبة على المواطن وليست على العقارات

بواسطة: نهى
بتاريخ: الأثنين، 8 فبراير 2010 - 23:22
كيف يدفع موطن ضريبة على وجودة داخل وطنة تلك ليست ضريبة على العقارات وإنما على الأفراد،وهكذا يعامل الوطن أبناءة ام تفنن السيد الوزير فى العكننة على شعب مصر هو الشعب ناقص ارحمونا.....................



19
اللي قدم الاقرار واللي مقدمش

بواسطة: م/امين الزلباني
بتاريخ: الأثنين، 8 فبراير 2010 - 23:29
الفرق بين المواطن اللي قدم الاقرار والذي لم يقدم :
#المواطن الذي قدم الاقرار كان خائفا من الغرامة التي هددت بها الحكومة مع انه كان واثقا تماما من ان القانون لن ينفذ لثلاثة ا سباب 1- عدم دستوريته . 2-صدق كلام الحكونة انه لن يصبه الدور ليطبق عليه هذا القانون الظالم 0 3= تدخل الرئيس كالعادة في ازالة الظلم عن المواطن 0 لكنه سمع دعاء الحكومة وهي تقول :يارب ماحد يقدم علشان نلم الغرامات بحجة
عدم سماع كلام الحكومة ونبقي طلعنا بقرشين من هذا الشعب المفتري اللي مبتهدش ابدا
اما الذي لم يقدم الاقرار فكان ذلك لسببين 0 1- قال انا لن اقدم ولو طالبوني بالغرامة لن ادفع
ولما يسجنوني بهم مصاريف اكون استفدت حاجتين أ-مدفعتش فلوس الغرامة وب- وفرت ثمن الاكل اللي هيقدمهولي في السجن 2- الحكم بعدم الدستورية وكلا الطرفان يشكران
كل من وقف بجانبهم وعلي راسهم الرئيس /حسني مبارك


20
ربنا معاك ومعانا

بواسطة: سهى علي
بتاريخ: الثلاثاء، 9 فبراير 2010 - 00:25
مع حكومة في برلمانها نائب قمــــار 00000000000وبه أيضا نائبا ووزيرا للمالية يقول خللي البلية تلعــب ويسب الدين بالفعل لا أدري هل هم في دولة أم مكبارية وفي صالة للقمار00حسبي الله ونعم الوكيل

[غادة جرجس]

نتمنى محاربة و محاكمة الفاسدين بدلا من محاكمة رمز للشرف و الوطنية وهو وائل الابراشى وان شاء اللة سينتصر الحق وستذهب الضريبة الى مقبرة التاريخ

[هناء]

هما كده دايما عايزين الناس تفضل مغيبة لو كان قال للناس لازم تتدفعوا الضرائب كانوا هيكرموه وياخد كمان جائزة الدولة التقديرية !!!

[الفت مصطفى]

انتم عارفين ليه رفع قضيه ع الاستاذ عشان حب الناس له هو اكبر تاثير الوزير خاف من حبناله .الشاب اللى عايزشقه يجيبها منين ولو جبها يدفع القسط ولايحوش عشان الضريبه ده كمان فى ضريبه عوايد وضريبه مبيعات يعنى يعيش ويموت ويدفع ضريبه هو والورثه ياترى هيفرض ضريبه على اللى عايشين فى المقابر مش بعيد يعملها مهوسكتناله وفاضل يعمل ضريبه على الاكل يعنى اكلت كام لفمه ويحددلنا كل وجبه كام لقمه مش رغيف كامل لكن نحن معك ياوفور للاخروربنا ان شاءالله هينصرك

[magdymorsy]

بدل ماكانوا يحققوا مع الاستاذ وائل الابراشى يخدوا رأى الرئيس حسنى مبارك لانه ذات نفسه مش عجبه قانون بطرس غالى
ولاممكن بردوا يحققوا مع الرئيس
أن حاسس ان السيد الوزير ده باين عليه ايده طايله
ماهو مش عجبه كلام الريس وديما بيسب الدين ومسمعناش حد حسبه
يبقى ايده طايله ولاانا مش فاهم حاجه