الحقيقة : الجزء الثالث مواجهة مع شباب موسيقي الميتال

[korny]

المشاركة الأصلية كتبت بواسطة عروسةالنيل

السلام عليكم ورحمه الله وبركاته
اولا بحب اهنئ الاستاذ وائل على برنامجه الاكثر من رائع
ثانيا انا عندى تعليق على الحلقه لانها كانت مثيره للغايه وخصوصا الحلقه اللى فيها الاستاذ تهامى اللى كان علطول بيتهم الشباب كريم وبسام بالكفر والفساد وانهم هيفسدو امه بحالها يمكن علشان اسمه تهامى بيتهم الناس بالباطل علفكره مكنش اسلوب للحوار والنقاش
وبعدين اسلوبه مستفز اوى انه يقول لبسام انت ايه صفتك وايه مكانتك وهويتك فى البلد الولد جاوب عليه بكل ادب واحترام انه هيبقى دكتور صيدلى وفاتح مكتبه تصوير فهو يستهزء بيه ويسخر منه ويقوله هتبيع مخدرات ويقوله انت بتشرب مخدرات انا عاوزه اقول انه تفكيره مش يقول انه بيشرب مخدرات خالص وبعدين ولو مهى كل الشباب بتشرب مخدرات
عاوزه اقول حاجه للاستاذ تهامى مهى معظم صيدليات البلد بتبيع مخدرات
وبعدين بلاش يرمى الناس بالباطل كويس ان بسام تماسك اعصابه وبعدين يقول لازم يتنفو فى حزيره زى الامراض علشان مش يعدو الشباب
طيب انفو بقى كل الراقصات والممثلات والممثلين وكل المطربين والمطربات العرب والاجانب لانهم بيفسدو امه بحالها مش الشباب بس
والفنانه مروه المطربه وهيفاء وهبى وكل المطربين اللى بيحاولو يظهروا بالعرى والالفاظ الخارجه عن الادب والدين والصراحه راحه هههههههههههه
وبوس الواو صح هههههههههههههههههههه بلاش نتهم شباب الميتال وخصوصا الشباب اللى كانو فى الحلقه واللى مثلهم كتير ان هما اللى هيفسدو البلد وهما اللى هيخلو الشباب تبقى كافره كده حرام وغلط وبعدين علفكره انا عمرى مش سمعت اغانى ميتال بس علفكره بعد الحلقه دى قررت انى اسمع اغانى الميتال والحلقه دى شدتنى انى اسمعها وعلفكره مش انا بس لا زيى كتير من الشباب اللى هتسمع اغانى الميتال
وعلفكره عاوزه اقول حاجه الاستاذ تهامى مش يعرف يعنى ايه اغانى الميتال ولا عارف اى اغنيه فيها ولا مجمع اى معلومات عنها لانه بيتكلم وهو مش فاهم حاجه سورى فى الاسلوب لان بجد هو لو كان سمع كان عرف انها مش كلها حزن او نكد او موت او ياس او كراهيه بل فيها كل المشاعر
زى احمد صبحى ما قال هو عمرو لما عرفو اهلهم يعنى ايه ميتال ومعانى الكلمات ولانه لازم الضيف فى الحلقه يكون مجمع كل المعلومات عن الشخصيه اللى قدامها
انا عندى كلام كتير عاوزه اقوله بس كده كفايه
وبقول للاستاذ تهامى ان الانسان المسلم وغير المسلم عارف ايه الصح وايه الغلط وعارف اللى يرضى ربنا واللى يغضب ربنا وبعدين احنا بنختار كشباب الحاجه اللى نشوفها صح بس يعنى مش هناخد هيفاء وهبى قدوه ولا مروه ولا غيرهم ولا هناخد فيلم دراكولا قدوه ونعمل زيهم
بس كده هو ده اللى احب اقوله وانا بعد الحلقه دى قررت انى اسمع موسيقى الميتال
وشكرا للاستاذ وائل وانت اعظم مذيع جريئ وصريح

ربنا يكتر من الناس اللي بتفهم بجد
نفسي كل الناس تبقي فاهمه بجد زيك كده.....

[HAZEM]

محمود عزت و عروسه النيل تمام جدا ان في حد رد علي الموضوع ده

شكرا ليكم

[Mahmoud Ezzat]

المشاركة الأصلية كتبت بواسطة hazem

محمود عزت و عروسه النيل تمام جدا ان في حد رد علي الموضوع ده

شكرا ليكم

لا شكر علي واجب ياحازم

وياااااااااااارب باقي الناس تحاول تقرا كلامنا وتفهم بدل مايدخلوا يتهموا الناس كدة بشكل جاهل بدون اي دليل او اسباب

[diaa ravel]

والله و عملوها الرجاله و رفعوا راس مصر بلدنا .. سيتي وصالك ذاد عليا حنيني ..

بحبك مووت و اها نفسي اقولك علي اللي جوايا .. اخاصمك اها اسيبك لا ..

بوس الواو صح خلي الواوا يح 666

و شربت حجرين علي الشيشه .. يا بنت السلطان حني علي الغلبان الميه في ايدكي

و انا قفايا عطشان !!!

و العتبه كزاز و السلم نايلون نايلون .. عتريس حبيبي يا عتريس جواز عتريس من فؤاده باطل

بااااطل باااطل بس و بعد كده راحت معيطه

::


عرفتوا ليه احنا بنسمع ميتال !!!!!!!!!!!!!!!!!!!

لا صوت يعلوا فوق صوت الميتال /m\

[ahmedhassan10]

السلام عليكم ورحمة الله وبركاته
انتم يا اخواننا بتتكلموا في ايه المفروض اننا بلد اسلامي .. اسلامي .. اسلامي.. وبلاش الخزعبلات اللي سمتوها .. الحرية .. وحرية التعبير .. هي الحرية انك تتطاول علي العادات والتقاليد المصرية الاصلية .. الاخ اللي اسمه بسام واللي مش عارف ايه اللي طالع شكله زي الراهب الروسي راسبوتين .. مش اذا كان البعض عارفينه والا لا .. طالع مداري شكله في طاقية تحتها بلاوي معلق (حلق ) في رمش عينه ومعلق (حلق ) و دنه .. وصوته عالي علي الفاضي وعلي الفاضي لان مفيش عنده كلام مليان .. كلام كله هرطقة وعامل فتوة علي الغلبان اللي قاعد جانبه اللي اسمه (كريم اعوذ بالله) واللي جالس يتهكم بسخرية نابعة من شخصية متهالكة علي استاذ جليل في مقام والده .. والراجل لم يخطيء انه يتحدث بالدين وبالحجة وتحدث عن الظاهرة بوجه عام اول مرة اعرف ان الكلام في الدين يقابل بالسخرية (صحيح ما انت اسمك / كريم اعوذ بالله)
يا استاذ وائل
ان شاء الله في الحلقة القادمة اذا كانت هناك حلقة قادمة ارجو ان تكشف لنا وجوههم بدون غطاء راس ونشوف الوشم اللي بيشيله بالصابون .. طيب وطالما بيتشال بالصابون انت رسمه ليه من اساسه .. كنت بالمرة رسمت الدقن والشنب بالمرة

[على الشامى]

انا شايف ان الجهات الامنيه تتحرك ضدد الظاهرة دي عشان دول عار علي شباب مصر
خصوصا بعض الشباب للاسف التافه الي بيقولك عرفتوا ليه بنسمع الميتال وهو تلاقيه مش بيعرف يكتب اسمه ولا حافظ ايه من ايات القرأن الكريم

[مروان]

ليس من حقنا ان نحكم على الاخرين فيما يسمعونه او يرتدونه وليس من حقنا ان نرمى الآخرين بتهم لم تثبت عليهم.
وان كان ظهر فى البرنامج نموذجان لم يتقبلهما المجتمع نظراً لملابسهم فكان هناك نموذجين آخرين مثل احمد صبحى ومحمود على ما اتذكر مثلهم مثل اى شاب مصرى عادى.

[Mahmoud Ezzat]

المشاركة الأصلية كتبت بواسطة على الشامى

انا شايف ان الجهات الامنيه تتحرك ضدد الظاهرة دي عشان دول عار علي شباب مصر
خصوصا بعض الشباب للاسف التافه الي بيقولك عرفتوا ليه بنسمع الميتال وهو تلاقيه مش بيعرف يكتب اسمه ولا حافظ ايه من ايات القرأن الكريم

استاذ علي الشامي

تسمح تجاوبني علي شوية اسئلة بسيطة مش عارف اجاوبها !!!!!!!!!!!!!!


لية فية حفلات ميتال لفرق اجنبية كبيرة هاتتعمل في تونس والمغرب السنادي ؟؟؟
همه دول مش دول عربية واسلامية ؟؟؟؟

ليه كل سنة بيتعمل احتفال اسمة Desert Rock في دبي
هية دبي دي مش عربية ؟؟؟؟ ولا كفرة ؟؟؟




السؤال الاخير !!!!!!!!!!!!

لية هايتعمل الشهر دة حفلة لمغني راب امريكي في مصر كل اغانية شتايم وسب دين ؟؟؟؟


ياريت حضرتك تجاوبلي الاسئلة دي بردود مقنعة ولو فيه ادلة او اسباب ياريت برضة

اشمعني مصر بس اللي بيقولوا عالموسيقي دي عبدة شيطان !!!!!!!!!!!!!!!!!!!!!!!!!
ويهددون امن الدولة ومستقبل الأمة !!!!!!!!!!!!!

[diaa ravel]

المشاركة الأصلية كتبت بواسطة على الشامى

انا شايف ان الجهات الامنيه تتحرك ضدد الظاهرة دي عشان دول عار علي شباب مصر
خصوصا بعض الشباب للاسف التافه الي بيقولك عرفتوا ليه بنسمع الميتال وهو تلاقيه مش بيعرف يكتب اسمه ولا حافظ ايه من ايات القرأن الكريم

الاغاني كلها حراااااااااااااااااااااااااااااااااااااااااااااااا ااااااااااااااااااااااااااام

و انا بعرف اكتب اسمي كويس يا استاذي الفاضل حتي بص

ضياء ض ي ا ء diaa اكتبلك بالايطالي كمان تحب ؟.

و يا سيدي حافظ من القرأن والله ,,,

" بسم الله الرحمن الرحيم "

الحمد لله رب العالمين الرحمن الرحيم مالك يوم الدين اياك نعبده و ايك نستعين

اهدنا الصراط المستقيم صراط الذين انعمت عليهم غير المغضوب عليهم و لا الضالين

صدق الله العظيم

::

انا شايف ان الجهات الامنيه تتحرك ضدد الظاهرة دي عشان دول عار علي شباب مصر

هو حد قالك عليا اني بلبس جماجم ولا نيله ده انا ماروحتش حفلات ميتال لحد دلوقتي اصلا

خصوصا بعض الشباب للاسف التافه الي بيقولك عرفتوا ليه بنسمع الميتال

انا مش تافه يا استاذي .. التافه بجد هو اللي بيسمع الاغاني اللي انا قولت عليها ,,

::

بقولك ايه قول حاحا ...

[ph.mohamed]

والله انت الي rock يا diaa ravel
كل الي بيخش ما بيجاوبوش على اسئلتنا يقعدوا يهاجموا وخلاص
لحد دلوقتي ما جاوبش على اسئلة "محمود عزت"
اتمنى انه يخش ويجاوب بنفس ترتيب الأسئلة
وازاي احنا مش حافظيين اية من القرآن , يا ناس احنا مسلمين مسلمين مسليمن
قول كده معايا يا علي : الناس دي مسلمة مسلمة مسلمة , ولا انت ما بتعرفش تقرأ؟؟؟؟؟؟؟؟