الحقيقة : الجزء الثالث مواجهة مع شباب موسيقي الميتال

عروسةالنيل · 10-03-11, 12:34 PM

ميرسى جداااااااااااااااا للاستاذ محمد مصطفى
وكمان كلام ضياء كويس جداااااااااا وانا قراته للاخر وكلامه مظبوط وصح
وبعدين مش معنى انى بسمع اغانى يبقى انا كافره او مش بسمع قران
يعنى احنا بنصلى وبنصوم وبنعبد ربنا وبنقرا قران وبرضه بنسمع اغانى والا ماكنش الاستاذه سعاد صالح والاستاذه ملكه والدكتوره عبله الكحلاوى اتكلمو عن الاغانى والعرى اللى بيحصل فيها وكمان كلمات الاغانى وعارفينها
مهو لازم نساير التطور والتقدم ونعرف اللى بيحصل فى بلدنا ايه والاغانى دى جزء من اللى بيحصل فى البلد وبعدين لازم نبقى ملمين بكل حاجه فى الاعلام زى ما بنتفرج على البرامج الاخباريه والدينيه والسياسيه وكمان المسلسلات الدينيه والتاريخيه والاجتماعيه فلازم بالضروره نتفرج ونسمع الاغانى بمختلف انواعها ايا كانت ميتال ولا تامر ولا عمرو ولا هيفاء علشان لما نتفرج نعرف هى بتتكلم عن ايه؟ ونعرف احنا بنتكلم بناء على ايه ؟؟؟؟؟؟؟؟؟
لازم نبقى ملمين بكل المعلومات
وانا بشكر كل شخص قرأ كلامى وعجبه وميرسى كتير ليكو
وانا اللى خلانى اشترك فى موقع الاستاذ وائل الابراشى لانه جرئ وصريح واكيد هيتيح ليا الفرصه انى اتكلم بكل صراحه ووضوح

محمد مصطفي · 10-03-11, 06:00 PM

السلام عليكم ورحمة الله وبركاته

الاستاذ اللي كاتب رده في الموضوع أكيد فريق ىالعمل بتاع الأستاذ وائل هوا اللي بيقرا الكلام ومتحيز

انا هرد علي الجزئية دي انا عاوزك تجيب ليا رد واحد فيه تحيز لاي اتجاه او اي نوع سواء مستمعي موسيقي الميتال او المعترضين علي سماعها او ظهور حلقات للميتال اساسا في البرنامج... ممكن حضرتك طالما انت واثق من كلامك تجيب رد ليا بيقول اني ضدد الميتال او ضدد معارضي موسيقي الميتال ده اول حاجة

الحاجة التانية
حضرتك بتقول احنا عاوزين دليل علي الكلام هوا انت شايف ان حد كفرك او قالك هنا في الموقع انت كافر او عابد شيطان او متاعطي للمخدرات
اعتقد في ردي السابق اللي اكيد حضرتك لم تقرأه جيدا انا قلت اننا لا بنكفر حد ولا بنتهم حد الموضوع كله اننا عملنا مواجهة علشان اغلب عشاق موسيقي الميتال قالوا ان بسام وكريم مش بيمثلوهم وانهم مش كده ولا حد بيلبس حلقان ولا خواتم ده اللي قلناه ومش جايين نقول الميتال كويس او وحش وكل واحد عنده عقل بيفكر يسمع اللي عاوزه ومايسمعش اللي عاوزه كل واحد وراحته

فائق تقديري وفي انتظار احضار اي شيء من علي الفيس بوك يدل علي مهاجمتي للميتال او تحيزي لاي اتجاه سواء مع من يختلفون معكم او من يؤيدونكم

dyaabelal · 10-03-11, 08:21 PM

انا وضحتلك وجهة نظري فى المكالمة .. شكرا جدا انك اتصلت و انا سعيد معرفتك
شكرا انك وضحتلنا حاجات كتيرة وياريت تكون عرفت وجهة نظري

Mahmoud Ezzat · 10-03-12, 02:03 AM

ياجماعة انا ماعرفش انتوا بتتكلموا في موضوع اية بالظبط بالنسبة لسوء التفاهم

بس عامة اختلاف الرأي لا يفسد للود قضية
ومادام النقاش محترم وفي حدود الاحترام واللباقة مفيش اي مشاكل

عندي سؤال صغير للاستاذ محمد مصطفي
هوة في حلقة اخري هاتتعمل في نفس الموضوع ؟؟؟ ام لا !!!

فاتن محمد · 10-03-12, 02:48 AM

السلام عليكم ورحمة الله وبركاته

تحياتي إلي الأستاذ الفاضل والإعلامي الكبير المتألق دائما الأستاذ الفاضل وائل الإبراشي وتحياتي إلي فريق الإعداد .

لقد أثارة قضية شديدة الأهمية والحساسية وهي قضية شباب الميتال .

في هذا الموضوع اخرج عن الحوار إلا في الحلقة مع الشباب وارجع إلي أساس المشكلة و أقول رأي بكل صراحة مع علمي إن هذا الرأي لا يعجب كثير من الناس وخصوصاً إلا بيناده بمشاركة المرأة في كل مجالات المجتمع .

باختصار أن الشباب مظلومون هم نتاج عمل المرأة والتفكك الأسري . لو وجده القدوة ما أنحرفه.

أن هذا الشباب نتائج جيل أو أجيال كاملة من عمل المرأة أن الأم تخرج إلي العمل وتترك الأولاد مع الجدة أو الشغالة بدون اهتمام ولا راقبه علي تصرفات الأولاد ولا رعاية كما ينبغي ولا تعليم للدين والقيم الاجتماعية . شباب تائية لا يعرف الصح من الخطأ بالتالي كثير من هذا الشباب نشئه علي عدم القدوة والمثل الأعلى . لان الأم غير موجودة . الأم تهتم بنفسها وتحقيق طموحها فقط . وتنسه إلا ربنا لخلقها علي شأنه أهم من طموحها الشخصية هي الأولاد والبنات هم الأجيال القادمة هي المفروض تضحي لكي تأسس أجيال متربية صح علي القيم الدينية والاجتماعية .

وبالتالي هذا هي النتيجة شباب تجري وراء تقليد الغرب يأخذ من الغرب السئ بس لكي يظهر نفسه . ومنهم المدمن والإرهابي وإلا عايش بدون هدف أو قضية يهتم بها . وده ليس هجوم علي الأم لان اوجد أمهات فاضلات وخرجت اجيال كثير .

بس علي رأي المثل الا يحتاجه البيت يحرم علي الجامع . وهذا الشباب من البداية كانوا في اشد الحاجة إلي الأم.

محمد مصطفي · 10-03-12, 04:21 PM

مازال موضوع الحلقة قيد الاعداد

Mahmoud Ezzat · 10-03-13, 12:45 AM

اقتباس:

المشاركة الأصلية كتبت بواسطة محمد مصطفي

مازال موضوع الحلقة قيد الاعداد

ياريت لو في حلقة اكيد
يبقي لو اختيار الضيوف من خلال طاقم الاعداد

ياريت تختاروا الضيوف اللي تقدر تتكلم بواقعية وبالاثبات والدليل بلاش تختاروا بالشكل زي المرة اللي فاتت

اظن رسالتي وصلت تمام

على الشامى · 10-03-13, 04:41 PM

اقتباس:

المشاركة الأصلية كتبت بواسطة diaa ravel

الاغاني كلها حراااااااااااااااااااااااااااااااااااااااااااااااا ااااااااااااااااااااااااااام

و انا بعرف اكتب اسمي كويس يا استاذي الفاضل حتي بص

ضياء ض ي ا ء diaa اكتبلك بالايطالي كمان تحب ؟.

و يا سيدي حافظ من القرأن والله ,,,

" بسم الله الرحمن الرحيم "

الحمد لله رب العالمين الرحمن الرحيم مالك يوم الدين اياك نعبده و ايك نستعين

اهدنا الصراط المستقيم صراط الذين انعمت عليهم غير المغضوب عليهم و لا الضالين

صدق الله العظيم

::

هو حد قالك عليا اني بلبس جماجم ولا نيله ده انا ماروحتش حفلات ميتال لحد دلوقتي اصلا

انا مش تافه يا استاذي .. التافه بجد هو اللي بيسمع الاغاني اللي انا قولت عليها ,,

::

بقولك ايه قول حاحا ...

طيب ما تقول للحاجه والدتك اول تعلمك تقول حاحا ازاى

كريم القصاص · 10-03-14, 07:49 AM

السلام عليكم
وخير بداية الكلام هو
بسم الله الرحمن الرحيم
اقدم شكر خاص لللاستاذ وائل والصحفى المحترم والمحنك تهامى منتصر .

اولا انا بشكر الاستاذ وائل على احتوائة الموقف ومحاول تهدائة الشباب المنفعل فى كل حلقة ( بسام - كريم ) من انتقاضات الناس ليهم .
انا مش هاقول اللى بيعملوه ده غلط وشكل غريب التقاليع غريبة لانى انا كنت شاب وبعمل نفس اللى بييعملوه وكنت بسمع مزيكا وبروح حفلات وكل حاجة وزى ما قلتم فى كل حلقة هى فترة وبتعدى وزى ما قال بسام لو شكلى هيقف فى طريق مستقبلى لما اجى احتك بالمجتمع بشكل عملى هحلقة انا ده اللى عملتة بالضبط ربنا كرمنى وسافرت برة مصر وشغال فى منصب كويس والحمد الله .
بس المشكلة اللى طرحها الصحفى المحترم تهامى منتصر ولة كل الشكر والتقدير ووافر الاحترام وهى مشكلة مثلث ( الجنس والمخدرات والمزيكا ) اولا ده مش بيحصل فى كل مكان ومش فى كل الحفلات وانا شوفت وعشت حاجات كتيرة فى مصر ام الدنيا احنا لية مسيكنا فى الشباب دول وبنقول هما دول اللى هيبوظو المجتمع وهيفسدو الامة !
لو هتعملوا وقفة بجد لمصلحة مصر يبقى لازم كل واحد عندة ذرت شجاعة انة ينزل فى شوارع مصر ويكسر كل كبارية وكل ديسكو فيها مش نيجى على الشباب الغلبان ونقول مؤامرة صهيونية ونجبلهم احباط اكتر انزل فى شارع الهرم باليل بعد الساعة 12 وشوف اية اللى بيجرى فية انا ساكن هناك وعارف كل شبر فية وعارف كل مكان بيحصل فية اية نفس المثلث اللى ذكرة الصحفى المحترم تهامى منتصر واكثر من ذلك بلاش نروح ونشوف الحفلات بتاعت الديسكوها ونشوف الشباب والبنات اللى خارجين منهم شكلهم اية ولابسين ازى والله والمشكلة ما فى الشباب الغلبان ده المشكلة فى الكبار وطبعا مفهوم كلامى عيزنا مغيبين على طول والله الموضوع ما فى الشباب العيب فى الكبار .

mohamedLoveMetal · 10-03-15, 12:14 AM

الحمد لله ..
بداية : انا بحب اشكر الاستاذ وائل الابراشى على البرنامج الجيد جدا .
2-
انا حقول تعليقى على كلام الناس وعلى كلام الحلقة ..
انا حبتدى بحاجة حاجة ..
مبدأيا انا اسمى محمد .. معرفش ايه الميتال انا لقيت اختى بتعمل مشروع ماجيستير عنه وبتجيبله اغانى وبدأت اسمع الاغانى دى لما شوفت البرنامج قولتلهم بيقولوا على اللى بيسمعوا ميتال عبدت شيطان والخ الخ ..
ضحكت وقالتلى ناس متخلفة ومشيت ..
فاتبعت البرنامج وحلقاته واراء الناس فحبيت اقول تعليق :
بسام لو كنت جيت البرنامج بلبس اسود من غير الخواتم اللى لابسها وكريم لو كنت جيت البرنامج بشعر قصير كانت تعليقات الناس (دى ناس او عيال تافهة مش عافين يشتغلوا ولا يعملوا حاجة فى الدنيا قالوا نعمل فرقة مزيكا غريبة وتبقا مشروع ونشتهر بالفرقة دى )
2- ناس وضحت بمقصود كلامها ان بسام وكريم ناس متخلفة عبدت شيطان علشان اللبس اللى لابسينه والاكسسورات والتاتو ونيك نيم كريم (شيطان )
3- ناس قالت ان الميتال حرام .. بس ليه بقا الناس دى بتقول كدا مبدأيا الاغانى حرام والموسيقى حرام .. فمحدش يجى يقول الميتال حرام اصله بيعمل وبيسوى فى الناس وبيخلى ناس تتجنن وناس تنتحر ..
.. فأحب اوضح بعض الخصائص بالنسبه لبرنامج الاستاذ : وائل حضرتك جبت المجموعه بأكملها لقيت فيهم ناس كويسة بس ماشين ورا حاجاة اسمها ميتال وبيقلدوها وبيعملوا حفلات واغانى غريبة (او كلمات غريبة) بس مش معنى كدا ان الناس دى وحشة .. لو واحد وحش ميبقاش فى كلية طب ولا سياحة وفنادق الناس دى انا بحترمها بس مش معاهم فى مبدأ الشكل وبردو كل انسان ليه حرية شخصية لانهم مش بيعملوا فى حد حاجة وحشة ..

وبالنسبة للتعليقات شخصيا للناس .. (هام) : الانسان دة كويس مش كويس شكله عاجبنى مش عاجبنى .. مستريحله او مش مستريحله : كل واحد بيقول الرد اللى شافوه بس مجيش اشوف واحد شعره طويل اقوله انتا فاكر نفسك بنت والتعليقات السخيفة : ممكن اقولك بعد اذنك هو انتا مربى شعرك كدا ليه ؟ حيفهمنى ولما افقم اه انا كدا اقول اه انا عرفت انتا مربيه ليه بس مش معاك لانك بتشبه البنات .. ساعتها حياخد بكلامى ويحاول يتصرف
(بس مش أجى ايه يا واد القرف دة ويواد يا بنت وهههه والتريقة التافهة وتعليقات كل واحد ايه الناس ال ... عاملين فى نفسهم كدا ليه دة ... وكدا
وكمان لما عمرو دياب فى فترة صبغ شعره لى اصفر كل الناس صبعت شعرها اصفر محدش اتكلم وقال حاجة عن الناس دى ليه .. ؟؟
عمتا : القصد من كلامى انا تعليقات الناس بتكون تعليقات لمنظر مش واقع معاملة .. انا بشوف واحد وحش بقول ربنا يهديه وبفيده ان دة مش مظبوط وهو ليه حرية الامر

الجزء المهم : الميتال .. انا بقا ولا بسمع ميتال من 20 سنه ولا متمكن بس انا سمعت موسيقى عاجبتنى ولقيت ناس بتتكلم عن نفسها وناس بتتكلم عن الحرية وناس تانيه بتتكلم عن الحب وملقتش حاجة فى كدا غريبة ..
لما شوفت البرنامج استغربت : ساعتها عرفت ان فرقة فى سوريا 17 شخص انتحروا وهما بيغنوا ميتال وناس تانيه فى الهرم اتقبض عليهم واتلغت الحفلة وكدا
ومضمون الاتنين : 17 شخص مضايقين شربوا خمرة بقوا مش عارفين يعملوا ايه واغانى بيغنوها على شى حزين واحساس بداخل انسان تأثروا بيها فأنتحرو ... هنا فى الهرم الحفلة دى اتلغت علشان : بدون ترخيص - مخدرات - دعارة مش علشان الناس بتسمع ميتال

معلش فى الكلمة انتا لو راكب عربيتك وسمعت ترانسات شديدة حتلاقى نفسك بتجرى بالعربية وبتتفاعل معها
تسمع ميتال : تلاقى واحد بيتكلم عن العذاب او الحب وفقدان الحبيب تلاقيه افتكر نفسه ويعيط والكلام دة كله وكل دة بيكون نتيجة تأثير نفسى بداخل كل انسان انا حزين بسمع حاجاة حزينه ممكن اقتل نفسى وانا مش حاسس انا بعمل ايه نتيجة حالة نفسية وصدمة عاطفية .. بس مش معنى كدا اقول ان الميتال دا عمل فيا وسوا وخلانى اقتل نفسى وابقا مخنوق ..
الحالة السيدوية : انا واحد بلبس اسود وبلبس حاجات فى ايدى بيكون اوقات مرسوم عليها حماحم معنى كدا انى انسان غلط او بعمل حاجات وحشة او طقوس اطلاقا انا واحد بحب البس الاسود بحب الجماجم والبس اللى بيكون كدا وبيستريح وانا لابسه وبيديلى الهدف اللى عايزه

ان كان الشذوذ او المخدرات : مفيش اى حفلة او اى فرح فى مصر بيتعمل ومفيهوش مخدرات .. فمش حتكلم فى الموضوع دة
.. الشذوذ : انا بسمع ميتال يبقا انا شاذ بعبد الشيطان .. طيب لو انا بسمع ميتال وبعديها بقرا قرأن وبصلى الناس حتشوف كدا تقول لا دة ارهابى كمان .. ومش عارف اقول كلام تانى لان انا شايف ان بعض الناس بتقوم بشائعات مالهاش لازمة

.................................................. .................................................. .................................................. .....................
يا كريم : ربنا يهديك وتبقا انسان كويس واسمع ميتال واسمع اغانى بس حاول ميكنش مظهرك غريب عن الناس يعنى لو تلبس كاب لو عايز تكون بشعرك دة .. وانا دعوتى ليك ربنا يهديك ويوفقك
بسام : انتا واحد لما شوفتك اول مرة قوت دة واحد من كتر المخدرات اتكلم وحكمت عليك زى ما ناس كتير حكمت بس انا ببص لكل واحد من ناحيتين : وانا شوفتك من ناحية واحدة عايز اشوفك تكون كويس اذا كان الطقوس فى الميتل اسود وخواتم يبقا خليها ساعت الحفلة بس .. وصدقنى لما الناس تشوفك انسان عادى زيهم كل التعليقات حتروح والكلام اللى ييضايقك دة

وبالنسبه لكل الناس اللى بتقول الميتال مش كويس والميتال والميتل واغانيه ..
كل واحد فيكم سمع اغنيه sexy LAdy تعليقات الناس ايه ؟ تعليق كويس 1000 وحش وللاسف ال 1000 الوحش 900 منهم بيسمعوها وبيحفظوها رغم ان دى اغنيه بتتكلم عن الجنس بس فعلا كلمة واحدة يا حسرا على رجالة مصر الفاضية كل واحد دلوقتى بيقول تعليق وعايز يبين ان تعليقه مظبوط وكلامه صح
بس كلام العقل : الناس دى ولا حد شافهم بيعبدو شيطان ولا حد شافهم بيشربوا مخدرات ولا حد شافهم بيعملوا حاجة وحشة كله حكم على الشكل وتريقة على اللى بيعملوه ..
اخرة الموضوع انا اسف ان كلامى كان فىه بعض الاجزاء الغير مرتبة فى الكلام .. لكن فى النهاية
انا واحد سمعت ميتال شوفت البرنامج قولتهم فى البيت انا عايز اسمع ميتال بس وبتحداكم كلكم لو لقيتوا عليا شى غلط
لا التعليقات اللى فى برنامج الحقيقة مجرد على اللبس بتاعهم ونظراتهم وتعليقات على الميتال