سامعى الميتال فى مصر ظالم ام مظلوم ؟؟

[esraa ahmed]

السلام عليكم ورحمة الله وبركاته
عندما نحكم على شيئاً بجهالة فهذا يعنى قمة الفشل ولكن لابد ان نعرف اولاً ما هو الميتال وبعد ذلك نحكم هل شباب الميتال فى مصر ظالمين ام مظلومين ؟؟


الميتال او heavymetalوهى لون من الوان موسيقى الروك التى تطورت فى الستينات من البلوز والروك
وتمتاز الهيفى ميتال بصوت الجيتار القوى مع الدرامز والباس جيتار وتختلف كلمات الاغانى من نوع الى اخر وتتحدث فى المجمل عن الموت وقصص الفنتازيا والحروب والحب والطبيعة والهيفى ميتال من اكثر انواع الروك اند رول التى تتميز بالاصوات الرجولية والتى يصحبها تمثيلات مسرحية بالالات الموسيقية
thunder heavy metalوظهر مصطلح الميتال على يد فريق ستيبنولف عام 1968 حينما استخدمو فقرة كتبها مارس بونفاير فى اغنيتهم
ولد ليكون متوحشاً او born to be wild

وتطور الميتال فى امريكا واخذ ينتشر فى اوروبا وجنوب افريقيا فى الثمنينات والتسعينات و هناك انواع من الميتال مثل
ميتال الطاقة او pwoer metal و ميتال الموت او Death Metal


black metal وهو الميتال المتطرف والذى يميزه صوت الدرامز المرتفع والسريع
علاقة عبادة الشيطان بموسيقاالبلاك ميتال
بعض الفرق اتخذت هذه الموسيقا نظرا لتاثيرها ..وادخلت نوع من من الدعوات الشيطانية لكي
تبشر بديانة عبادة الشيطان
فديانة عبادة الشيطان اتخذت من هذه الموسيقا كنوع من انواع التبشير وليست هذه الموسيقا اساسا
من عبدة الشيطان لانه يوجد عبدة شيطان لا يسمعون هذه الموسيقى
والمشكلة هي ان موسيقا BLACKMETAL هي منشقة من موسيقا ال METAL
التي هي النمط الوحيد الذي يتواجد في معظم كلماتها دعوات شيطانية او دعوات إلحادية ويوجد فى الكتاب الرئيسى لعبدة الشيطان وهو كتاب انتون ليفى وهذا الكلام موجود فى فصل:
THE NGREDIENTS USED IN THE PERFORMANCE OF SATANIC MAGIC

الترجمة الموجودة فى هذا الفصل :ان اى شئ يمكن استعماله فى الطقوس مثل: المخطوطات والرسومات والتماثيل والكتابات المصورة والروائح والاصوات واجزاء الملابس والموسيقى والتى يمكن ان تدرج فى المراسم والشعوذة جيداً
وهو الفصل الوحيد الذى يتكلم عن الموسيقى فى الكتاب باعتبار انها طقوسا اختيارية اى من الممكن استغناء الساحر عنها طالما انه لن يحتاجها

[خالد ثابت]

السلام عليكم ورحمة الله وبركاته انا شايف ان الشعارات الى بتتبناها هذه الموسيقى بتوضح مساوى هذا النوع ميتال الموت وولد ليكون متوحشا مبادى وافكار وفلسفات جعلت منها محل شكوك وانها تدعو الى معتقد جديد على العموم كل انسان يحاسب على ما يقول ويفعل ودورنا هو ان نرشد فقط لا نحاسب قال تعالى فى كتابه
(( فذكر انما انت مذكر لست عليهم بمسيطر )) وفى اخر السورة قال (( انا الينا ايابهم ثم انا علينا حسابهم )) انا كانت مجرد موسيقى فقط ليس لها اى فلسفات او معتقدات فهذا شى يختلف لكن اعتقد انك لم توضحى الموضوع من كل جوانيبه لانها لو مجرد موسيقى لما حدث كل هذا فى النهايه احب اقول ياريت نهتم بقضايا تعود بالنفع علينا على المستوى الشخصى والعام ولاننسى دورنا الاساسى فى الحياة (( وما خلقت الجن والانس الا ليعبدون ) ليس ليبتدعون

[esraa ahmed]

[والجملة الثانية من كتاب the church of satan والجملة تقول:

it dosen't matter what kind of music you like to listen to ,it dosen't make any dfferance whatever you prefer gothic music, black metal music,classical music ,old popular tunes,or show tunes,it dosen't matter what style of clothes you like to wear .....

والترجمة :نحن لا يهمنا نوع الموسيقي الذي تسمعو .ايضا لن يشكل نوع الموسيقي الذي تفضله اي اختلاف
سواء كان كلاسيك. نغمات قديمه.جوثك او موسيقي البلاك ميتال.
ايضا لا يهمنا نوع الملابس التي تلبسها .........الي اخر الجمله
وهذا يدل ان ليس كل سامعى الميتال عبدة شيطان ولكن الميتال مثله مثل اى شئ فى الدنيا فيه اوجه الخير وايضاً وجه الشر

ومشكلتنا الاساسية هى التعميم فمنذ ان كنت صغيرة والمقولة لا تفارقنى وهى (الشر يعم والخير يخص) فلماذا لا يكون الاثنين يخص لماذا نعمم الشر على اخرين لا مثلونه ونخص الخير ؟؟؟

هذا الموقع بالصور وجود الميتال فى مصر من التسعينيات

~!~ الميتال في مصر .. ظالم أم مظلوم ؟ ~!~ - موقع الدي في دي العربي - DVD4ARAB.MAKTOOB.COM

عندما تصل الموسيقى الى الكمال ( الميتال )

Progressive Metal World .. عندما تصل الموسيقى إلى أقصى درجات الكمال - سما الحب


لابد على اى شخص يعرف اولا من هم الميتال وبعد ذلك يحكم فلا يحكم بالمظهر فنحن اذا ارتدينا الزى الابيض يقال علينا شيخاً وعندما نرتدى الاسود فأننا شياطين !!! هذا غير معقول

[محمد مصطفي]

استاذة إسراء انا شايف ان موضوع الميتال اخد اكبر من حجمه فقد خصص له ثلاث حلقات وتم نقاش الموضوع من جميع الجوانب ..

وتم توضيح فكرة عشاق موسيقي الميتال وعرفنا وتاكدنا انها نوع مثل اي نوع من الموسيقي وعلمنا ايضا ان اغلب عشاق موسيقي الميتال يمارسون حياتهم الطبيعية بدون تقاليع في الملابس او الملامح او الشكل

لذلك انا اريد ان اعرف لما الاصرار علي الخوض في هذا الموضوع والاستمرار في مناقشتة

يا جماعة اللي عاوز يسمع ميتال يسمع واللي مش عاوز يسمع مايسمعش كل واحد وراحته

فائق التقدير والاحترام

[esraa ahmed]

يا اخ خالد ياريت تقرأ الموضوع كاملا وبعد ذلك تحكم ( انا مكنتش لسة كملت الموضوع )

وبعدين ولد ليكون متوحشاً دى كانت اول اغنية وكانت بتعبر عن الناس اللى بتستخدم اطفال الشوارع فى تجارة المخدرات والمواد المخدرة ... يعنى مشكلة انسانية

وكمان الميتال فيه اغانى كتير بتتكلم عن حاجات انسانية زى الحرب على غزة اغنية palestine will be free

واغانى كتير ضد الارهاب وضد الحروب و عن الحب والطبيعة والجمال فى كل حاجة الميتال بيتكلم مش بس عن القهر والمعاداة زى ما الناس كلها فاكرة

و على الاقل اللى بيتريقو على شكل الميتال هما ارحم بكتير من اللى مسقطين البنطلونات لغاية الركبة و عاملين شعرهم قنفد ومنظرهم بيبقى مقزز ومن اللى بيقلدو المطربين زى تامر حسنى لما فتح زراير القميص كلو عمل زيو وعمر دياب لما عمل وشم على ايدو وحلق شعره الكل قلدو

وعلى الاقل ان موسيقى الميتال بتتكلم عن كل حاجة فى الدنيا مش زى اغانى العربى بتاعت اليومين دول تافهه وهايفة دلوقتى تفتح اى قناة اغانى تسمع اغانى مسفة واصوات بتنبح ومش فاهمين حاجة وكل واحد جايب شوايت موديلز ملبسهم من غير هدوم واهو الكل بيسمع قصدى بيتفرج !!!

يعنى لو هتحاكمو على شكل الميتال يبقى شوفو الولاد اللى يتقال عليهم يا واد يا بت وشوفو البنات اللى لابسين من غير هدوم وبعدين تعالو قولو انتو عاملين كدة ليه فى شكلكو *__*

[esraa ahmed]

يا ستاذ محمد.... انا عارفة انه تم نقاش الموضوع فى 3 حلقات و لكن الاستاذ االصحفى ومفتى فى الازهر كان بيقول لابد ان يطبق عليهم حد الله و ان تتدخل الحكومة وكلام كدة وبيقول لبسام ( هتفتح صيدلية تبيع فيها المخدرات ) اللى هو ما يعرفهوش ان المخدرات دلوقتى مش الميتال ولا حتى الايموز بس بيشربوها ده اكتر الشباب دلوقتى مدمنين وكمان دى اسهل حاجة تتجاب فى مصر هى المواد المخدرة مش لسه هيستنو بسام ده لما يفتح الصيدلية عشان يساعدهم على ادمانها

بمعنى ان الموضوع ما خلصش ولسه الناس بتتهمنا بحاجات ليس لها اساس من الصحة

وبعدين كل المواضيح بتطرح على الساحة ولابد من نقاش فيها !!! وشكرا على التعليق

[لوميتا]

هاي يااستاذه اسراء موضوعك مهم جدا طبعا بس خد حجم كبير الفتره الاخيره في مجتمعنا الي المفروض انه مجتمع مسلمين اولا وعرب بس انا رايي الشخصي ان الشباب بقوه يقلدوه الغرب فكلل حاجه فحياتهم فاللبس والشعر وقصاته وطريقه الكلام حتى في مراسم الزواج وتقريبا في كل حاجه اوك في فن وفي اذواق بس لما الزوق يوصل لدرجه الهذيان او الجنون يبقا لازم وقفه مينفعش تبقا مناظرهم مرعبه وافكارهم مجنونه وعندهم لامباالاه في كل حاجه وده طبعا راجع كله لضعف ايمانهم ودينهم ولمشاكل اسريه موجوده اكييييييد جوا بيوتهم الفن موجود مختلفناش بس الوعي مطلوب فكل حاجه مع احترامي

[esraa ahmed]

هاى استاذة لوميتا..... انا معاكى ان المناظر اللى جت مرعبة ومقلدة للغرب بطريقة او بأخرى ومن الممكن ان يكونوا لا يعلمون شيئا عم الميتال وانهم يقلدون المظهر من باب الاختلاف او ( خالف تعرف ) بس انا حبيت اوضح للناس الفرق بين الميتال وعابدى الشيطان مش اكتر .....

[الفت مصطفى]

لاحول ولا قوة الابالله ياسراء انتى كام سنه اسمعى اللى انتى بتحبيه لكن اكيد الناس عايزنك وجميع الشباب يكونوا بالف خير ان شاء الله وعندى سؤال شخصى لو سامحتى لى هل يكون فتى احلامك واحد زى اللى جم فى البرنامج وطريثة كلام بسام اصلا كلنا بنخاف على شباب بلادنا هى دى كل الحكايه ربنا يحميكى ويحمى كل الشباب ان شاء الله ياترى بتحبى كمان القراءة طيب شوفتى مواضيع خالد ومقالات الاستاذ وموضوع الاستاذة غادة ولا ايه ياريت نشوف لكى تعليق او موضوع ربنا يوفقك ان شاء الله

[esraa ahmed]

ميرسى جدا على رأيك وانا بحترمه جدا انا 18 سنة وبعدين انا مش بضيع انا كل اللى بعمله انى بسمع ميتال وانا بوضح للناس بس يعنى ايه ميتال لان الناس كلها فاكرة ان احنا عبدة شيطان ( استغفر الله العظيم ) وبعدين فيها ايه يعنى لما يكون فتى احلامى واحد منهم انا مش شايفه انهم عملو حاجة غلط عشان لابسين اسود وواحد فيهم شعرو طويل والتانى عامل لحية ف مش شايفة انهم مجرمين عادى جدا و زى ما قلت ان لو بسام ده كان لابس بدل الاسود ابيض كانت الناس قالت عليه شيخ لكن عشان هو لابس اسود بقى كافر ______ دى وجهة نظر وانا بحترم اى وجهة نظر تانية متعارضة مع وجهة نظرى__________ بس مش لازم يبقى فتى احلامى زى كل البنات دلوقتى (مهند) اللى هو بلاى بوى فى مجلة فرنسية والا تامر حسنى *__^ و فى الاخر ربنا يهدى ويوفق الجميع