كن صديقى

[غادة جرجس]

مرحبا بكم

عايزة اطرح موضوع و اعرف رأيكم فية

ياترى ماهو تأثير اشكالنا فى علاقاتنا

وهل من الممكن ان تحكم على الناس غلط من شكلهم ؟
هل لاشكالنا تأثير سلبى لعلاقاتنا ؟
هل نظلم اى حد علشان شكلة ياترى بنحكم على العقل
ولا بننخدع بالغلاف الخارجى لو كان مبهر ؟

اتمنى اعرف أجابتكم

[مروان]

المفروض يا غادة ان لا نحكم على بعضنا بالشكل نهائياً لأن الشكل من صنع الله وليس من صنعنا ، وان كانت الصداقة حقيقية ومتوطدة برباط قوى فلا يكون للشكل مكان نهائياً وتكون الروح والعقل هما اساس الصداقة والذى يحكم على الشكل فقط يكون شخصية سطحية.
ولكن لن اخفيك اننا نحن العرب هذه طبيعتنا نحب ان ننظر لبعضنا البعض ونتصيد اخطاء الغير شكلا ومضموناً.
واحياناً يطفو طبع الانسان على شكلة واعتقد ان داخل الانسان يظهر على وجهه وخصوصا من العينين فالعين تكشف الانسان ( طموح - وصولى - ماكر - خجول - يتصنع الخجل - كسول - .... الخ )

[هناء]

الحقيقة اننا دايما بنحكم على الناس بالمظاهر لكن فى الأغلب المظاهربتخدع كتيييييييير لكن زى ما قال مروان في ناس بيظهر على وجهها ما بداخلها لكن فى ناس كتير العكس واعتقد ان فى ناس كتير بتتظلم من طريقة التفكير دى بس فى جزء كبير من المسئولية عن هذا الظلم بيقع على عاتق الشخص نفسه يعنى مثلا بسام اللى كان فى حلقة الميتال أ / محمد مصطفى قال انه داخل التصوير طيب جدا وعنده حاجات حلوة بس هو مظهرش غير الشىء الوحش بس وهو كده شارك فى ظلم نفسه مش الناس بس اللى ظلمته

[مؤمن فتحى]

وجة نظر شخصية :
أنا أحكم على الصداقة أولاً من الشكل الخارجى ثم أقبل الشخصية ثم أفحص ما بداخلها .
وعلى سبيل المثال أنا عن نفس أحببت الاستاذ / وأئل الابراشى والاستاذ العظيم / مجدى مهنا من خلال صورهم أولاً وبعد ذلك دخلت فى جزء من فكرهم بأرادتى والخروج بأرادتهم .
تركنا العظيم الاستاذ المحترم / مجدى مهنا ولكن ترك لنا من يكمل رسالتة الاستاذ / وأئل الابراشي أطال الله عمره .
وهذة وجة نظرى

[ملاك]

أعتقدأستاذة غادة أنها نسبية تختلف من شخص لآخر واذا تحدثنا على الغالب فان الانجذاب للشكل أمر فطرى وبالتعامل اما أن يتأكد الانطباع الأول أو ينتفى و يثبت عكسه فالشكل مهم ولكن لا يقدم فيوجد ما هو أهم منه وهو الروح قال رسول الله صلى الله عليه وسلم (الأرواح جنود مجندة ما تعارف منها ائتلف وما تنافر منها اختلف) فعندما تتفق الروح والفكر والاهتمامات يكون الشكل لا محل له من الاعراب فأنا أحبكم جميعا فى الله وأنا لاأعرف أحدا منكم ولا أعتقد أن الشكل يفرق معى ولو للحظة واحدة ولا أخفيكى سرا فأنا أتمنى أن أراكم ولو مرة واحدة.أستاذةغادة أشكرك وتقبلى خالص حبى وودى

[نادية]

ردك أستاذة ملاك جميل أوى لأن ده فعلاً إحساسى حبيتكم بشخصياتكم وقلوبكم لكن بتمنى أشوفكم ولو مرة واحدة

وأنا فى حياتى العادية يا أستاذة غادة عمرى ماحكمت على أى شخص من خلال قشرته الخارجية

ودايماً أحب أخترق الشخصية من الداخل لأنى بيهمنى القلوب والمشاعر والنفوس الطيبة اما الحاجات

التانية مابتفرقش معايا


وههديلك قصيدة حلوة بتتفق مع موضوعك وهى لماجدة الرومى بعنوان ( كن صديقى )

كم جميلا لو بقينا اصدقاء

كم جميلا لو بقينا اصدقاء

ان كل امرأة تحتاج تحتاج الى كف صديق

كن صديقي...كن صديقي...كن صديقي

هواياتي صغيرة واهتماماتي صغيرة

وطموحي ان امشي ساعات معك تحت المطر

عندما يسكنني الحزن ويبكيني الوتر

فلماذا تهتم بشكلي ولا تدرك عقلي؟؟

كن صديقي....كن صديقي...كن صديقي

انا محتاجة جدا لميناء سلام

وانا متعبة ..انا متعبة من قصص العاشقين واخبار الغرام

فتكلم ...تكلم.. تكلم ..تكلم

لماذا تنسى حين تلقاني نصف الكلام؟؟

لماذا تنسى حين تلقاني نصف الكلام؟؟

ولماذا تهتم بشكلي ولا تدرك عقلي؟؟

كن صديقي...كن صديقي...كن صديقي

ليس في الامر انتقاص للرجولة

غير ان الشرقي لا يرضى بدور

لا.. لا يرضى بدور...غير ادوار البطولة

[مجدى مرسى]

ياريت يانادية انتى والاستاذة ملاك كنتم حضرتم ندوة الاستاذ وائل وشفتم جميع الاصدقاء ونحن جميعا" بالفعل اصدقاء دون ان نرى بعضنا
فالحكم على الاشخاص ليس بأشكالهم
انما بالمعاملة...وعلى رأى المثل
(عرفت فلان ايوه عرفته _ عملته لا معملتوش _يبقى انت معرفتوش )
فنحن تعاملنا مع بعض دون ان نراى بعض تعاملنا بالعلم والفكر والمشاعر الطيبة ويكفينا تجمعنا على حب رجل صادق وهو رجل الحقيقة وائل الابراشى

[ابراهيم]

أستاذة/غاده.....بعد التحية........شكل الانسان هو أول ما يظهر منه وليس آخر ما يحكم به عليه

[الفت مصطفى]

ياغادة اللى يحكم على الشكل بانه مثلا مش حلو يكون بيعيب فى خلقة ربنا وعلى المخلوق اللى ملوش يدان كان جميل ولااءوانا اعرف ان كل خلقة ربنا حلوة فلا يهمنى الا الانسان يكون محترم معندوش حقد ولا غل للاخرين ولاولا ولا ربنا يكفينا الشر سلامى لهبه:d

[لوميتا]

هاي استازه غاده موضوعك مهم جدااااااااااااااااا لان في ناس كتير بتتخدع في الشكل بشكل رهيب وبتحكم على الي قدامها وتعاملاته من خلال شكله بس زي مكتير مننا بيقول ان الشكل مش مقياس للحكم على الاخرين في ناس كتير ببيهمها الشكل الخارجي قبل الداخلي وبتقبل انها تنخدع في المظاهر وساعات كتير بتكون مظاهر كدابه ومفهاش اي مصداقيه بس في ناس بيهمها الشكل الخارجي كمظهر عام للشخص وفي ناس تانيه بتقدر تحكم على الاشخاص حتى لو مظهره ميدلش على الي جواه او كان بيحاول يخبيه بس عندها قدره انها تفرق بين الناس وتصنفهم كويس جدا وده بيبقا درجات عند كل واحد مننا